Святы Айцец прыняў 13 верасня на прыватнай аўдыенцыі кс. Тома Ажаналіла SDB. Салезіянін быў вызвалены 12 верасня пасля 18 месяцаў палону. Айцец Том быў выкрадзены ў сакавіку 2016 года ў Емене.
4 сакавіка 2016 г. у Адэне ў прытулак для састарэлых, якім апекаваліся манахіні Маці Тэрэзы, уварваліся баевікі, верагодна з «Аль-Каіды», забілі чатырох сясцёр і яшчэ 12 чалавек, а затым выкралі святара.
Ужо праз месяц пасля выкрадання а. Тома папа Францішак заклікаў вызваліць усіх, хто быў узяты ў заложнікі ў выніку любых узброеных канфліктаў у свеце, асабліва ўзгадаўшы індыйскага святара.
«Хоць на першы погляд часам можа здавацца, што цемра зла і нягоды штодзённага жыцця бяруць верх, Касцёл цвёрда ведае, што над тымі, хто ідзе за Панам Езусам, ззяе адгэтуль нязгаснае святло Пасхі», — сцвердзіў Пантыфік 3 красавіка ў Ватыкане ў кантэксце ўсіх церпячых хрысціян.
Таксама стала вядома, што вырашальны ўнёсак у вызваленне выкрадзенага святара зрабіў урад Амана.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)