27-30 лістапада папа Францішак здзейсніць Апостальскае падарожжа ў М’янму, а 30 лістапада накіруецца ў Бангладэш, дзе будзе прабываць да 2 снежня. Афіцыйнае паведамленне было апублікавана 28 жніўня Залай Друку Апостальскай Сталіцы. Праграма падарожжа будзе абвешчана пазней.
Папа Францішак стане першым Пантыфікам, які наведае М’янму. У сваю чаргу вернікі з Бангладэш будуць прымаць Наступніка св. Пятра ўжо трэці раз. У лістападзе 1970 г. горад Даку, які сёння з’яўляецца сталіцай гэтай краіны, наведваў Павел VI, праўда тады яшчэ Бангладэш знаходзіўся ў складзе Пакістана. Другі візіт сюды здзейсніў у лістападзе 1986 г. Ян Павел ІІ.
