Пошук

28.03.2017 08:39  

Кардынал Курт Кох, старшыня Папскай рады спрыяння хрысціянскаму адзінству прыняў удзел у штогадовым пасяджэнні рабочай групы па культурным супрацоўніцтве паміж Рускай Праваслаўнай Царквой і Рыма- Каталіцкім Касцёлам.

Сустрэча прайшла ў сядзібе аддзела знешніх царкоўных сувязяў Маскоўскага Патрыярхату ў сталіцы Расіі.  

Адкрываючы пасяджэнне, мітрапаліт Іларыён адзначыў, што гэта ўжо трэцяя сустрэча рабочай групы з моманту яе стварэння ў 2015 годзе. За мінулы перыяд яна паказала сваю высокую эфектыўнасць у арганізацыі і правядзенні сумесных культурных мерапрыемстваў як у Расіі, так і ў Італіі. Яны спрыяюць больш глыбокага знаёмству з духоўнымі традыцыямі Усходу і Захаду, а таксама дасягненню ўзаемаразумення паміж праваслаўнымі і католікамі.

Удзельнікі сустрэчы падвялі вынікі дзейнасці рабочай групы за мінулы год і абмеркавалі шэраг новых праектаў, звязаных з развіццём супрацоўніцтва ў культурнай сферы, рэалізацыя якіх запланавана на 2017 год і пачатак наступнага года.

У праграму ўключаны, між іншым, канцэрты духоўнай і класічнай музыкі, мастацкія і тэматычныя выстаўкі, выданне кніг Патрыярха Кірыла і Папы на пенсіі Бэнэдыкта XVI на італьянскай і рускай мовах, а таксама абмен студэнтамі абедзвюх канфесій.

Ян Мойсік, беларуская рэдакцыя Ватыканскага радыё

Абноўлена 05.06.2017 13:36
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа