Пошук

15.02.2017 09:28  

13 лютага ў Ватыкане прадставілі афіцыйныя сімвалы візіту папы Францішка ў партугальскі марыйны санктуарый у Фаціме. Пілігрымка Святога Айца пройдзе 12-13 мая з нагоды 100-годдзя аб’яўлення тут Найсвяцейшай Панны Марыі.

У цэнтры лагатыпа змешчана выява ружанца, раскладзенага ў форме сэрца. Унутры напісаны словы: «Папа Францішак» і «Фаціма 2017», а пад ружанцам змешчаны дэвіз падарожжа — «З Марыяй, пілігрым надзеі і міру».

У ніжняй частцы лагатыпу знаходзіцца стылізаваная выява фацімскага санктуарыя з датамі: 1917 і 2017, якія нагадваюць пра 100-гадовы юбілей.

Як адзначае аўтар лагатыпу Франсіска Правідэнсы, лагатып выражае «дух міласэрнасці і міру», а таксама «простасць стылю і яснасць», якія характарызуюць пантыфікат Святога Айца.
Папа Францішак стане чацвёртым Пантыфікам пасля Паўла VI, Яна Паўла ІІ і Бэнэдыкта XVI, які наведае марыйны санктуарый у Фаціме. Афіцыйная праграма падарожжа пакуль не апублікавана.

Беларуская рэдакцыя Ватыканскага радыё


Абноўлена 05.06.2017 13:36
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа