Фота: getty images
16 жніўня падчас традыцыйнай нядзельнай сустрэчы з вернікамі на малітве «Анёл Панскі» Папа Францішак скіраваў адмысловы зварот, звязаны з сітуацыяй у Беларусі.
Словы пастыра паўсюднага Касцёла перадае беларуская рэдакцыя парталу Vatican News.
«Мае думкі кірую да дарагой Беларусі. З вялікай увагай сачу за сітуацыяй, якая склалася пасля выбараў у гэтай краіне. Заклікаю да дыялогу, спынення гвалту, паважання справядлівасці і права. Давяраю ўсіх беларусаў апецы Багародзіцы, Каралевы супакою», — сказаў Францішак.
