Як паведаміў 18 лютага партал Гродзенскай дыяцэзіі Grodnensis.by, сёлета ўрачыстасці ў санктуарыі Гродзенскай дыяцэзіі Маці Божай Каралевы нашых сем’яў у Тракелях пройдуць 12–13 ліпеня.
Праграма ўрачыстасцяў і дэвіз будуць абвешчаны пазней. Адказным за падрыхтоўку да фэсту з’яўляецца кс. Юрый Бяганскі, кусташ санктуарыя.
Гэты год для тракельскага санктуарыя асаблівы.
Сёлета прыпадае 210-годдзе пабудовы касцёла Звеставання Найсвяцейшай Панне Марыі ў Тракелях, 25-годдзе абвяшчэння яго дыяцэзіяльным санктуарыем Маці Божай Каралевы нашых сем’яў і 10-годдзе каранацыі цудадзейнага абраза Маці Божай Тракельскай.
