З 16 лістапада 2018 г. пачаў дзейнічаць сайт парафіі Маці Божай Міласэрнасці (Вострабрамскай) у г. Беразіно (Барысаўскі дэканат).
У горадзе, які знаходзіцца на палове дарогі з Мінска да Магілёва, парафія існуе з 1641 г. Касцёл, пабудаваны ў 1844 г., быў знішчаны ў 1914 г. Парафія адрадзілася ў 1992 г., з 1997 г. дзейнічае часовая капліца па вуліцы Піянерскай, 25.
Будаўніцтва новага касцёла ў гістарычным цэнтры горада, па вуліцы Красіна, распачалося ў 2018 г. Крыж на будаўнiчай пляцоўцы асвяціў 5 красавіка 2016 г. біскуп Юрый Касабуцкі.
Будаўніцтва касцёла вядзецца намаганнямі пробашча парафіі кс. Андрэя Фёдарава за сродкі мясцовых вернікаў і добраахвотныя ахвяраванні дабрачынцаў.
На парафіяльным сайце kataliki-berazino.by можна знайсці расклад набажэнстваў у г. Беразіно і в. Багушэвічы, кантактную інфармацыю і навіны парафіяльнага жыцця.
