Пошук


01.02.2019 12:00   Catholic.by

1 лютага 2014 г. у Гродне адбылося біскупскае пасвячэнне Юзафа Станеўскага — адзінага ў Беларусі біскупа, які вядзе свой уласны блог.

У мінулым — рэктар і выхавацель Вышэйшай духоўнай семінарыі ў Гродне, цяпер — Генеральны сакратар Канферэнцыі Каталіцкіх Біскупаў у Беларусі, дзе з’яўляецца таксама старшынёй Рады па справах свецкiх i моладзі, пастырства студэнтаў і працаўнікоў універсітэтаў.

Акрамя таго, біскуп Юзаф Станеўскі — адзіны беларускі іерарх, які вядзе свой уласны блог на партале Catholic.by. Яго цікавыя і глыбокія допісы нязменна карыстаюцца папулярнасцю ў шырокага кола чытачоў, перадусім сярод моладзі і духавенства.

Evangelii gaudium — «Радасць Евангелля» — такі біскупскі дэвіз абраў сабе Юзаф Станеўскі. Так называецца першая апостальская адгартацыя папы Францішка, якая распачынаецца словамі: «Радасць Евангелля напаўняе сэрцы і жыццё тых, хто сустракаецца з Хрыстом».

Гродна, 1 лютага 2014 г. Фота Аляксандры Шчыглінскай

Няхай гэтая радасць, якая прамяніцца ў асобе біскупа Станеўскага, у яго словах, вачах і ўсмешцы, напаўняе таксама сэрцы тых, да каго пажадае паслаць свайго руплівага пастыра Езус Хрыстус. Няхай дзякуючы яго служэнню Касцёлу як мага больш людзей сустрэнуцца з Панам, а радасць Евангелля — Добрай Весткі для кожнага чалавека — пашыраецца на нашай зямлі.

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.