22 снежня ў Гродзенскім абласным упраўленні аховы адбылася цырымонія ўручэння кіроўцам ключоў ад новых аўтамабіляў, якія благаславілі праваслаўныя святары і ксёндз.
Пра гэта паведаміла Упраўленне ўнутраных спраў Гродзенскага аблвыканкама на сваім сайце uvd.grodno.by.
Благаслаўленне здзейснілі праваслаўныя святары а. Ігар Данільчык і а. Аляксандр Казакевіч, а таксама вікарый катэдральнай парафіі св. Францішка Ксавэрыя ў Гродне кс. Алег Канановіч.
Сумесны ўдзел у цырымоніі духоўных асобаў дзвюх найбольшых у нашай краіне канфесій стаў яшчэ адным яскравым сведчаннем добразычлівых адносінаў паміж прадстаўнікамі розных веравызнанняў, якія ў згодзе жывуць і працуюць побач.
Падзея набыла асаблівую вымоўнасць менавіта ў гэтыя дні, калі праходзіць Тыдзень малітваў за адзінства хрысціянаў.
