Пошук


31.12.2018 16:23   Catholic.by

30 снежня, у свята Святой Сям’і — Езуса, Марыі і Юзафа, — у катэдральным касцёле Унебаўзяцця Найсвяцейшай Панны Марыі і св. Станіслава ў Магілёве адбылася ўрачыстасць для сужэнцаў, сем’яў і супольнасці «Хатні Касцёл» Магілёўскага рэгіёну.

Узначаліў урачыстасць біскупскі вікарый Магілёўскага рэгіёну біскуп Аляксандр Яшэўскі SDB.

У сваім прывітальным слове іерарх заклікаў усіх памаліцца ў свята Святой Сям’і ў інтэнцыі сем’яў гэтага рэгіёну, «каб, нягледзячы на розныя цяжкасці, яны заўсёды былi моцнымi Богам і ўмелі праяўляць шчырую любоў у сужэнскім жыцці».

Было вельмі прыгожа і хвалююча назіраць, калі пасля гаміліі ўсе сужэнскія пары, стаўшы пасярэдзіне катэдры, зноў, як некалькі гадоў таму альбо зусім нядаўна, падалі адно аднаму правую руку, паглядзелі ў вочы адно аднаму і паўтаралі за біскупам словы аднаўлення сужэнскай прысягі.

Слёзы стаялі ў вачах, а радасць дзяцей, якія з захапленнем глядзелі на сваіх бацькоў, нагадвала аб узнёсласці гэтага моманту.

         

Біскупскі вікарый Магілёўскага рэгіёну на завяршэнне гаміліі пажадаў, каб усе сем’і і сужэнствы магілёўскай зямлі «заўсёды быць сапраўднымі Божымі дзецьмі, якія запрашаюць у сваё жыццё Езуса і па прыкладу Святой Сям’і ствараюць адносіны, поўныя любові, веры і надзеі на Божую дамагогу і ласку».

«Жадаю нястомна выбіраць тых, хто з’яўляецца вельмі важным для вас і такім неабходным у зямным вандраванні да Божага Валадарства», — дадаў іерарх.

Абноўлена 31.12.2018 16:23
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.