Пошук


17.12.2018 17:17   Паводле: Kс. Юрый Марціновіч / grodnensis.by
Фота кс. Яна Раманоўскага

14 снежня на тэалагічным факультэце Каталіцкага ўніверсітэта св. Яна Паўла ІІ у Любліне (Польшча) кс. Віталій Сідорка, прэзбітэр Гродзенскай дыяцэзіі, абараніў доктарскую працу, атрымаўшы ступень доктара тэалогіі.

Як паведамляе сайт Гродзенскай дыяцэзіі Grodnensis.by, доктарская праца кс. Сідоркі мае назву «Паходжанне, ўтварэнне і арганізацыя Гродзенскай дыяцэзіі ў 1991–2011 гг.». Даследаванне праводзілася на аснове семінару, прысвечанага гісторыі Касцёла ў найноўшыя часы, метадалогіі і дапаможных навук пад навуковым кіраўніцтвам прафесара кс. Яна Валькуша.

У сваёй працы кс. Віталій Сідорка прадстаўляе гістарычны нарыс утварэння Гродзенскай дыяцэзіі і этапы развіцця мясовага Касцёла ў 1991–2011 гг.

На абароне доктарскай працы прысутнічалі дапаможны біскуп Гродзенскай дыяцэзіі Юзаф Станеўскі, выкладчыкі Вышэйшай духоўнай семінарыі ў Гродне, духавенства з Гродзенскай дыяцэзіі.

Ксёндз доктар Віталій Сідорка атрымаў прэзбітэрскае пасвячэнне 26 мая 2007 г., паходзіць з парафіі Божага Цела ў Крамяніцы. Раней быў прэфектам Вышэйшай духоўнай семінарыі ў Гродне, a таксама адказным за душпастырства службы аховы здароўя горада Гродна. Сёння з’яўляецца пробашчам парафіі Св. Юзафа Рамесніка і бл. сясцёр мучаніц з Навагрудка ў Лідзе i выкладчыкам МВДС у Гродне.

Абноўлена 17.12.2018 17:25
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.