![](/3/images/news/2018/12/8998/2018-12-03-krychau-007.jpg)
Парафіяльную ўрачыстасць Беззаганнага Зачацця Найсвяцейшай Панны Марыі адсвяткавалі ў Крычаве 1 снежня. Фэст быў перанесены на тыдзень раней па прапанове біскупа: у магілёўскім рэгіёне дзве святыні маюць тытул Беззаганнага Зачацця — у Бабруйску і ў Крычаве, такім чынам біскуп, духавенства і вернікі рэгіёна маюць магчымасць у кожнай з гэтых парафій перажываць адпустовую ўрачыстасць.
Эўхарыстыю ўзначаліў дапаможны біскуп Мінска-Магілёўскай архідыяцэзіі і біскупскі вікарый для Магілёва і Магілёўскай вобласці Аляксандр Яшэўскі SDB разам са святарамі, якія прыбылі на свята.
У сваёй гаміліі іерарх прыгадаў аб важнай ролі Божай ласкі ў жыцці кожнага хрысціяніна і яе неабходнасці для збаўлення па прыкладзе Божай Маці, як Анёл Габрыэль, вітаючы Марыю, падкрэсліў гэта: «Вітай, Марыя, поўная ласкі…»
З дапамогай Божай ласкі Панна Марыя выканала старазапаветныя прароцтвы і сцерла галаву старадаўняга змея, так і кожны з нас, супрацоўнічаючы з Божай ласкай, зможа перамагчы злога духа і ўсялякае ягонае дзеянне.
![](/3/images/previews/news/2018/12/8998/s-2018-12-03-krychau-002-cb.jpg)
![](/3/images/previews/news/2018/12/8998/s-2018-12-03-krychau-003-cb.jpg)
![](/3/images/previews/news/2018/12/8998/s-2018-12-03-krychau-005-cb.jpg)
![](/3/images/previews/news/2018/12/8998/s-2018-12-03-krychau-006-cb.jpg)
![](/3/images/previews/news/2018/12/8998/s-2018-12-03-krychau-004-cb.jpg)
![](/3/images/previews/news/2018/12/8998/s-2018-12-03-krychau-001-cb.jpg)
![](/3/images/news/2018/12/8998/2018-12-03-krychau-002.jpg)
![](/3/images/news/2018/12/8998/2018-12-03-krychau-003.jpg)
![](/3/images/news/2018/12/8998/2018-12-03-krychau-005.jpg)
![](/3/images/news/2018/12/8998/2018-12-03-krychau-006.jpg)
![](/3/images/news/2018/12/8998/2018-12-03-krychau-004.jpg)
![](/3/images/news/2018/12/8998/2018-12-03-krychau-001.jpg)
Таксама іерарх звярнуў увагу на значэнне і вартасць слова. Бог заўсёды верны свайму Слову і дадзеным абяцанням. І Марыя — яскравы прыклад вернасці Божаму cлову і дадзеным Ёю абяцанням: «Няхай мне станецца паводле Твайго слова», — вучыць нас адказнасці за дадзеныя абяцанні перад бліжнімі, а асабліва дадзеныя самому Богу.
На заканчэнне Літургіі спевам гімна Te Deum вернікі ўзнеслі праслаўленне і падзяку Пану Богу праз заступніцтва Маці Божай.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)