11 чэрвеня ў дыяцэзіяльным санктуарыі Маці Божай Каралевы нашых сем’яў у Тракелях адбылася першая сустрэча новай святарскай рады і калегіі кансультантаў Гродзенскай дыяцэзіі.
Абедзве структуры пачалі сваю дзейнасць у новым складзе на перыяд наступных 5 гадоў (2018–2023).
У святарскую раду пакліканы святары, частка з якіх уваходзіць у яе паводле пасады, якую займаюць, частка — паводле выбару прэзбітэрыя дыяцэзіі, а таксама паводле прызначэння біскупа Гродзенскага.
Кодэксам Кананічнага Права ўстаноўлена, што святарская рада — гэта супольнасць святароў, якая з’яўляецца як бы сенатам біскупа і прадстаўляе ўвесь прэзбітэрый. Яе задача заключаецца ў падтрымцы біскупа ў кіраванні дыяцэзіяй дзеля большага душпастырскага дабра даверанай яму часткі Божага народу.
Спіс членаў святарскай рады
паводле пасады:
- дапаможны біскуп Гродзенскай дыяцэзіі Юзаф Станеўскі — генеральны вікарый
- кс. канонік Цэзарый Міх — судовы вікарый
- кс. канонік Уладзімір Гуляй — біскупскі вікарый па справах агульнага душпастырства Лідскай акругі
- кс. канонік Ян Кучынскі — біскупскі вікарый па справах агульнага душпастырства Гродзенскай акругі
- кс. канонік Юзаф Багдзевіч — біскупскі вікарый па справах агульнага душпастырства Смаргонскай акругі
- кс. канонік Аляксандр Мацкевіч — канцлер Гродзенскай курыі
- кс. Віталій Вайцяхоўскі — рэктар Міждыяцэзіяльнай вышэйшай духоўнай семінарыі ў Гродне
паводле выбару:
- кс. канонік Чэслаў Паўлюкевіч — пробашч і кусташ санктуарыя Пана Езуса Журботнага ў Росі
- кс. Андрэй Зноска — пробашч парафіі Божай Міласэрнасці ў Лідзе
- кс. Ян Рушніцкі — дэкан дэканату Гродна-Захад і пробашч парафіі Св. Станіслава і св. Максімільяна ў Каробчыцах
- кс. Томаш Ксянжкевіч CMF — пробашч парафіі Хрыста Валадара ў Азёрах
- кс. канонік Ян Пузына — дэкан Ашмянскага дэканату і пробашч парафіі Св. Міхала Арханёла ў Ашмянах
- кс. канонік Генрык Яблонскі — дэкан Радунскага дэканату і пробашч парафіі Найсвяцейшай Тройцы ў Забалаці
- кс. Юрый Кузьміч — дэкан Шчучынскага дэканату і пробашч парафіі Унебаўзяцця Найсвяцейшай Панны Марыі ў Новым Двары
- кс. Антоні Казлоўскі — пробашч парафіі Св. Юды Тадэвуша ў Вішневе
- кс. канонік Антоні Грэмза — віцэ-канцлер Гродзенскай курыі
паводле прызначэння:
- а. Андрэй Шчупал CSsR — духоўны айцец святароў Гродзенскай дыяцэзіі
Калегія кансультантаў — гэта дыяцэзіяльны орган, члены якога паводле прызначэння з’яўляюцца членамі святарскай рады. Да задач калегіі належыць выкананне дарадчых заданняў, даручаных ёй дыяцэзіяльным біскупам.
Калегія кансультантаў мае асаблівыя паўнамоцтвы ў перыяд вакансіі біскупскай сталіцы. Калі дыяцэзія не мае свайго біскупа, да задачаў калегіі належыць, між іншым, прызначэнне адміністратара дыяцэзіі.
У Гродзенскай дыяцэзіі ў склад калегіі ўвайшлі:
- дапаможны біскуп дыяцэзіі Юзаф Станеўскі — генеральны вікарый
- кс. канонік Аляксандр Мацкевіч — канцлер Гродзенскай курыі
- кс. канонік Уладзімір Гуляй — біскупскі вікарый па справах агульнага душпастырства Лідскай акругі
- кс. канонік Ян Кучынскі — біскупскі вікарый па справах агульнага душпастырства Гродзенскай акругі
- кс. канонік Юзаф Багдзевіч — біскупскі вікарый па справах агульнага душпастырства Смаргонскай акругі
- кс. канонік Генрык Яблонскі — дэкан Радунскага дэканату і пробашч парафіі Найсвяцейшай Тройцы ў Забалаці
- кс. канонік Антоні Грэмза — віцэ-канцлер Гродзенскай курыі.
