Пошук
13.04.2018 16:00   Catholic.by

У сеціве даступны новы хрысціянскі рэсурс «Радыё РМ» — архіў бясцэннай інфармацыі для тых, хто жыве вучэннем Хрыста, для каго Евангелле — не пусты гук і не проста гісторыя з мінулага, а адзіна магчымы лад жыцця.

У адным рэсурсе сабрана ўсё лепшае, што зроблена за час існавання «Радыё Марыя Беларусь»: перадачы, інтэрв’ю з аўтарытэтнымі педагогамі, псіхолагамі, медыкамі, катэхетамі, святарамі, падборкі лепшай музыкі, праграмы культурнай, сацыяльнай, касцёльнай накіраванасці.

Тут можна знайсці і заўсёды выкарыстоўваць усё, што каманда валанцёраў стварала і збірала для «Радыё Марыя Беларусь».

Каб стаць падпісчыкам архіву, неабходна зарэгістравацца, і пасля зробленага ахвяравання карыстальніку будзе адкрыты доступ у спецыяльны раздзел. Аўтары праекту кажуць, на што прызначаюцца сабраныя такім чынам ахвяраванні:

«Афармляючы падпіску на гэты архіў, вы падтрымліваеце „Радыё Марыя Беларусь“ і дапамагаеце данесці Слова Божае туды, дзе яго моцна чакаюць: самотным, хворым, сумным, тым, хто губляе надзею, тым, хто з-за розных абставінаў не можа ўдзельнічаць у святой Імшы, не можа наведваць касцёл, не бачыць выхаду. Вы дапамагаеце захаваць нашу веру і перадаць яе наступным пакаленням, як было на працягу ўжо тысячы гадоў і будзе навекі».

Абноўлена 13.04.2018 16:18
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа