Пошук

01.02.2018 12:41   Кс. Артур Малафей / Фота: Кс. Артур Малафей і Юрый Зубрыцкі / Catholic.by

Міжнародны турнір па футболе сярод дзяцей і моладзі ва ўзроставых групах з 2001 па 2008 год нараджэння завяршыўся ў Варшаве. У ім прынялі ўдзел каманды з Польшчы, Беларусі і Украіны.

Гродзенскую дыяцэзію на турніры прадставілі парафіяльныя каманды з мікрараёнаў Гродна: Аўгустовак і Вішнявец.

Каманда хлопцаў 2002 года нараджэння з парафіі Найсвяцейшай Панны Марыі Вастрабрамскай Маці Міласэрнасці (Аўгустовак) у сваёй узроставай катэгорыі заняла першае месца.

Хлопцы 2001 года нараджэння з абедзвюх гродзенскіх парафій у сваёй узроставай катэгорыі сталі трэцімі.

Лепшым бамбардзірам турніру прызнаны беларус Антон Сучкоў з парафіі Найсвяцейшай Панны Марыі Вастрабрамскай Маці Міласэрнасці.

Ініцыятарам удзелу ў варшаўскім турніры беларускіх каманд стаў кс. Артур Малафей, адказны за справы спорту ў Гродзенскай дыяцэзіі. Разам з трэнерам Аляксандрам Гусарам (ФК «Слонім») святар выступіў апекуном беларускіх футбалістаў на турніры.

Турнір быў арганізаваны Каталіцкім спартыўным таварыствам Польшчы. Галоўная мэта турніру — выхаванне дзяцей і моладзі праз спорт, праз уменне правільна сябе паводзіць на пляцоўцы, культуру паводзін у час гульні і на трыбунах, уменне планаваць вольны час і штодзённае жыццё.

Агульная малітва на пачатак турніру і яго завяршэнне дапамагла ўсім прысутным адчуць атмасферу любові да Бога і бліжняга.

Каманды з Гродна выказваюць асаблівую падзяку сем’ям з парафіі Св. Патрыка ў Варшаве за гасціннасць.

 

Абноўлена 01.02.2018 16:56
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа