Традыцыйнае свята, якое дабрачынны фонд «Адкрытыя сэрцы» ўжо сем гадоў ладзіць на Божае Нараджэнне, сёлета ў Магілеве прайшло ў незвычайнай форме і з незвычайнымі гасцямі. 28 снежня, у свята святых Немаўлят, мучанікаў, аплаткавую сустрэчу для дзяцей пралайфераў і іх бацькоў наведаў дапаможны біскуп Мінска-Магілёўскай архідыяцэзіі Аляксандр Яшэўскі SDB і магілёўскія святары.
Задоўга да свята дзеці развучвалі бальныя танцы — паланэз, вальс, падэграс, кракавяк, прычым ім падабаўся сам працэс рэпетыцый.
Cапраўды, для кожнага так важна хаця б зрэдку адчуць, які гонар і годнасць быць сынам ці дачкой такога вялікага Валадара, Айца на Нябёсах, Караля каралёў.
Цудоўным чынам радасная атмасфера казачнага балю дапамагла кожнаму ўдзельніку адчуць сябе прынцам або прынцэсай.
Дзеці і іх бацькі разумелі, што працавалі не дарма, бо, як сказаў у сваім слове біскуп, «наша праца для таго, каб прынесці любоў і радасць іншым людзям». «Гэта лепшы падарунак, які мы можам прынесці да ясляў Дзіцяткі Езуса», — заўважыў біскуп Аляксандр Яшэўскі.
Сустрэча скончылася дзяленнем аплаткай і пажаданнямi, якія прынцы і прынцэсы складалi адно аднаму. Але на гэтым свята не заканчваецца, бо «Казачны баль» у Магілёве пройдзе яшчэ 7 студзеня.
Пралайферы гатовыя падзялiцца радасцю з дзецьмi, маці якіх у цяжкі момант выбралі для іх жыццё.
