Фота: shutterstock.com
Аб міры ў свеце, пачынаючы ад Святой Зямлі, маліліся ў нядзелю 17 снежня шматлікія вернікі перад магілай св. Францішка ў італьянскім горадзе Асізі.
Малітву праводзіў ардынарый горада біскуп Даменіко Сарэнціна.
«Гэтая малітва адбываецца ў час, калі мы чуем толькі словы вайны, нянавісці і гвалту. Чуем аб падзеях, якія напаўняюць нас глыбокім неспакоем, і мы павінны адказаць на гэты неспакой так, каб сведчыць аб мудрасці. Гэта спецыяльны год, які лічым важным, — год малітвы», — сказаў італьянскі іерарх.
