Пошук

23.10.2017 13:33   grodnensis.by / Catholic.by

22 кастрычніка ў катэдральным касцёле св. Францішка Ксаверыя ў Гродне завяршылася перэгрынацыя фігуры Маці Божай Фацімскай, якая праходзіла з нагоды 100-гадовага юбілею фацімскіх аб’яўленняў.

Урачыстую святую Імшу ўзначаліў дапаможны біскуп Гродзенскай дыяцэзіі Юзаф Станеўскі. Гамілію іерарх распачаў з гісторыі аб’яўленняў Маці Божай у Партугаліі, нагадваючы пра тры прароцтвы, якія Марыя адкрыла свету. Тады Марыя заклікала свет да пакаяння і навяртання і да ружанцовай малітвы. Гэтае пасланне, як дадаў біскуп, актуальнае і сёння.

«Прымем святло, якое плыве з Партугаліі. Даручым сябе Марыі. Няхай Яе Беззаганнае Сэрца будзе нашым сховішчам і дарогай, якая вядзе да Хрыста», — заклікаў біскуп.

Напрыканцы літургіі супольнасць памалілася Ружанец. Падчас кожнага «Вітай, Марыя…» дзеці прыносілі да падножжа фігуры Фацімскай Панны белыя ружы. Такім чынам вернікі ахвяравалі Маці Божай вялікі букет, сплецены з кветак і малітвы.

З гэтага часу фацімская фігура будзе знаходзіцца ў гродзенскай катэдры.

Абноўлена 23.10.2017 13:50
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця