![](/3/images/news/2017/08/2017-08-23-grodna.jpg)
Біскуп Гродзенскі Аляксандр Кашкевіч прызначыў новага духоўнага айца і прэфекта Вышэйшай духоўнай семінарыі ў Гродне.
Новым духоўным айцом семінарыстаў прызначаны кс. Ян Сарэла, які апошнія пяць гадоў быў пробашчам парафіі Св. Яна Хрысціцеля ў Воўпе. Прэфектам прызначаны кс. Ян Раманоўскі, які апошнія два гады вучыўся ва ўніверсітэце ў Памплоне (Іспанія).
![](/3/images/news/2017/08/2017-08-23-sarela.jpg)
Ксёндз Ян Сарэла нарадзіўся 28 жніўня 1975 г. Паходзіць з парафіі ў Тракелях. Прэзбітэрскае пасвячэнне прыняў 3 чэрвеня 2000 г. у катэдральнай базыліцы св. Францішка Ксаверыя ў Гродне з рук біскупа Кашкевіча. З 2017 года з’яўляецца адказным мадэратарам за пастаянную фармацыю святароў у Гродзенскай дыяцэзіі.
![](/3/images/news/2017/08/2017-08-23-ramanouski.jpg)
Ксёндз Ян Раманоўскі нарадзіўся 10 лістапада 1987 г. Паходзіць з парафіі ў Радуні. Прэзбітэрскае пасвячэнне прыняў 26 мая 2012 г. у катэдральнай базыліцы св. Францішка Ксаверыя ў Гродне з рук біскупа Кашкевіча.