Парафіядны летнік праходзіў у польскім Яраслаўцы на Балтыйскім моры 15-28 ліпеня.
У ім прымалі ўдзел тры каманды з Беларусі: парафія Маці Божай Вострабрамскай з Гродна, парафія Беззаганнага Зачацця Найсвяцейшай Панны Марыі са Слоніма і парафія Спаслання Святога Духа з Бярозаўкі.
Адным з лепшых дасягненняў беларускай моладзі ў парафіядным летніку сталі два першыя месцы ў спаборніцтвах па футболе.
Спачатку хлопцы з гродзенскай парафіі выйгралі турнір сярод 11 каманд 2002-2003 г.н. Затым хлопцы са Слоніма сталі лепшымі ў аналагічным турніры сярод каманд 2004-2005 г.н.
Таксама футбольная каманда з парафіі Гродна-Аўгустовак прыняла ўдзел ў таварыскім матчы па футболе з камандай пажарнікаў з Польшчы і разграміла супернікаў 6-0.
Падчас адпачынку ўсе ўдзельнікі рэалізоўвалі кожны дзень трыяду Парафіяды (Святыня-Тэатр-Стадыён). Штодзень хлопцы і дзяўчаты распачыналі святой Імшой. Адзін з вечараў на парафіядным адпачынку быў прысвечаны чуванню ў духу TAIZE.
А напярэдадні летніка моладзь з гродзенскай парафіі Аўгустовак прыняла ўдзел у Парафіядзе ў Варшаве, дзе заваявала 10 медалёў (8 залатых і 2 бронзавыя).
