У памяць пра кардынала Казіміра Свёнтка, у шостую гадавіну яго смерці, вернікі парафіі Св. Андрэя, апостала, у Нарачы прыдумалі акцыю «Кветкі для кардынала».
У парафіі збіралі грошы на кветкі, якія 21 ліпеня былі перададзены ў Пінск на месца пахавання першага беларускага кардынала.
Падобная акцыя ў Нарачы праводзілася не ўпершыню. Раней у парафіі на кветкі ўжо збіралі да 100-годдзя з дня нараджэння кардынала, да пятай гадавіны з дня яго смерці і г.д. «Кветкавая акцыя» становіцца ўжо традыцыяй.
Нарачанцы не ўпершыню па-асабліваму аддаюць пашану памяці кардынала Казіміра Свёнтка. Не адно пакаленне нарачанскай моладзі выхавана на прыкладзе гэтага ахвярнага пастыра і сапраўднага сведкі веры. У мінулым годзе, у пятую гадавіну з дня смерці кардынала Свёнтка, менавіта маладыя нарачанцы ад імя ўсіх парафіянаў прынеслі кветкі ў крыпту, дзе спачывае іерарх.
21 ліпеня ў Нарачы ў інтэнцыі беларускага кардынала вернікі будуць маліцца на адмысловай святой Імшы ў яго гонар.
