13 чэрвеня, у дзень літургічнага ўспаміну св. Антонія Падуанскага, у пінскай катэдры адбылася адмысловая св. Імша, якую ўзначаліў біскуп Пінскі Антоні Дзям’янка.
![](/3/../2/images/phocagallery/2017/06/2017-06-14-im-dziamjanki/thumbs/phoca_thumb_l_dziamjanka-001.jpg)
У гаміліі пастыр дыяцэзіі звярнуў увагу сабраных на старадаўні цудадзейны абраз св. Антонія, які знаходзіцца ў бакавым алтары базылікі.
![](/3/../2/images/phocagallery/2017/06/2017-06-14-im-dziamjanki/thumbs/phoca_thumb_l_dziamjanka-017.jpg)
Паводле слоў іерарха, гэтая выява святога ў горадзе над Пінай з’яўляецца яскравым знакам таго, што з даўніх вякоў культ св. Антонія быў і застаецца вельмі жывы на нашых землях. Сведчыць пра гэта і папулярнасць імя гэтага святога на Беларусі.
![](/3/../2/images/phocagallery/2017/06/2017-06-14-im-dziamjanki/thumbs/phoca_thumb_l_dziamjanka-007.jpg)
У гаміліі біскуп наблізіў прысутным таксама постаць святога з Падуі, паказваючы як Божы Провід вёў яго па жыцці і дазволіў праз пакору і манаскую руплівасць дасягнуць вяршыняў святасці.
![](/3/../2/images/phocagallery/2017/06/2017-06-14-im-dziamjanki/thumbs/phoca_thumb_l_dziamjanka-020.jpg)
На заканчэнне літургі сабраныя вернікі, святары, а таксама супольнасць Міждыяцэзіяльнай вышэйшай духоўнай семінарыі ў Пінску павіншавалі біскупа Антонія з імянінамі.