Сёлета ў нядзелю 26 красавіка прыпала асаблівая дата — 40-годдзе аварыі на Чарнобыльскай атамнай электрастанцыі. У гэты дзень у Мінску прайшла цырымонія ўскладання кветак да памятнага знака «Ахвярам Чарнобыля».
Паводле інфармацыі выдання «Мінск-Навіны», мерапрыемства адбылося ў Парку дружбы народаў. Ушанаваць памяць тых, хто загінуў непасрэдна пры ліквідацыі аварыі на ЧАЭС і па прычыне ўздзеяння радыяцыі ў далейшым, прыйшлі сотні чалавек.
У ліку тых, хто аддаў даніну памяці і малітвы ахвярам Чарнобыля, быў і Старшыня ККББ, Мітрапаліт Мінска-Магілёўскі арцыбіскуп Юзаф Станеўскі.
Нагадаем, што ў касцёлах Беларусі ў гэты дзень падчас святых Імшаў маліліся за загінулых і пацярпелых у выніку аварыі на Чарнобыльскай АЭС.
