20 красавіка ў Міждыяцэзіяльнай вышэйшай духоўнай семінарыі ў Гродне прайшоў дзень засяроджання, які правёў сакратар біскупа Гродзенскага ксёндз Анджэй Ганчар.
Падчас духоўных канферэнцый у межах дня засяроджання ксёндз Анджэй вельмі многа расказаў пра сваё жыццё і пра духоўны вопыт, які набыў на місіях у Афрыцы і Казахстане.
Расказваючы аб гэтым, ён не абмінуў момантаў уласных выпрабаванняў, а шчыра падзяліўся імі з семінарыстамі, паказаўшы, што праз многія выпрабаванні трэба прайсці, каб дасягнуць вышыні ў духоўным узрастанні.
Апагеем дня стала святая Імша, якую ўзначаліў ксёндз Анджэй. Як паведамляюць удзельнікі, ён вельмі выразна паказаў, што Эўхарыстыя — крыніца ўсялякай ласкі Божай для семінарыста і для святара.
