Прадстаўнік Святога Айца кардынал Клаўдыё Гуджэроці, які прымаў удзел у святкаванні 100-годдзя Пінскай дыяцэзіі, прыбыў у Брэст на дыяцэзіяльную сустрэчу моладзі.
Праходзячы ў атачэнні беларускіх біскупаў у касцёл Узвышэння Святога Крыжа, перад уваходам ён сустрэў старшыню Брэсцкага гарвыканкама Сяргея Мікалаевіча Лабадзінскага.
Спецпасланнік Папы Льва XIV і кіраўнік горада шчыра прывіталіся, абмяняліся некалькімі словамі і ўвайшлі ў святыню.
Звяртаючыся да высокага госця і ўсіх прысутных, прадстаўнік мясцовых уладаў павіншаваў іх з юбілеем і пажадаў моцнага здароўя, цярплівасці і «каб заўсёды быў мір».
Ад імя ўсіх брэстчан ён уручыў спецыяльнаму прадстаўніку Ватыкана букет белых кветак, а біскупу Пінскаму Антонію Дзям'янку — памятную манету, выпушчаную з нагоды 100-годдзя Пінскай дыяцэзіі.
