Выява ілюстрацыйная
3 ліпеня ў Беларусі адзначаецца дзяржаўнае свята — Дзень Незалежнасці.
Менавіта ў гэты дзень у 1944 годзе Мінск — сталіца нашай краіны — была вызвалена ад нямецка-фашысцкіх захопнікаў.
У гэтае свята, якое з'яўляецца таксама днём памяці тых, хто аддаў сваё жыццё за незалежнасць Беларусі, у каталіцкіх святынях праходзяць адмысловыя малітвы за Радзіму.
З нагоды Дня Незалежнасці арцыбіскуп Юзаф Станеўскі, Старшыня Канферэнцыі Каталіцкіх Біскупаў Беларусі, кіруе слова да вернікаў:
«Памятаем пра тых, хто пакінуў нам у спадчыну мірную і квітнеючую Краіну. Молімся за тых, хто стане дастойнай зменай цяперашніх людзей і падтрымліваем адзін аднаго ў сённяшняй пілігрымцы нашай сучаснасці».
