24 чэрвеня ў Хрысціянскім сацыяльным цэнтры ў Мінску прайшла Першая Міждыяцэзіяльная канферэнцыя Testis fidei et misericordiae («Сведка веры і міласэрнасці»), прысвечаная сёстрам мучаніцам з Навагрудка.
У канферэнцыі прынялі удзел духавенства, прадстаўнікі дзяржаўнай улады, студэнты і вернікі.
Канферэнцыя была праведзена з мэтай наблізіць і аднавіць памяць пра сясцёр Назарэтанак з Навагрудка, якія аддалі сваё жыццё, каб уратаваць мірных жыхароў у часы Вялікай Айчыннай вайны. Сёстры былі забітыя нямецкімі акупантамі ў 1943 годзе.
Падчас канферэнцыі з прывітальным словам звярнуліся арцыбіскуп Юзаф Станеўскі, Мітрапаліт Мінска-Магілёўскі, і Аляксандр Румак, Упаўнаважаны па справах рэлігій і нацыянальнасцяў. У прамовах была падкрэслена важнасць і своечасовасць асвятленне узнятай тэмы.
Падчас канферэнцыі прагучалі 3 даклады:
- Сястра Ганна Мацуль CSFN раскрыла тэму: «Гісторыя кангрэгацыі сясцёр Святой Сям’і з Назарэта (назарэтанкі)», якая ў гэтым годзе адзначае 150-годдзе з дня заснавання.
- Міхаіл Дайнека, старэйшы пракурор упраўлення Генеральнай Пракуратуры, прадставіў даклад на тэму: «Генацыд беларускага народа ў гады Вялікай Айчыннай вайны» і прадставіў вынікі працы, праведзенай Генеральнай Пракуратурай за апошнія гады ў гэтым напрамку.
- Сястра Вольга Данькоўская CSFN прачытала даклад на тэму: «Сёстры назарэтанкі з Навагрудка — нявінныя ахвяры нямецкага генацыда, аддаўшыя жыццё за бліжніх». Падчас выступу была прадстаўлена кароткая біаграфія кожнай сястры, якая загінула, і абставіны гэтай жудаснай трагедыі.
Пасля дакладаў у капліцы прагучала малітва памяці «Рэквіем», якая была ўзнесена прадстаўнікамі розных рэлігій і канфесій.
Напрыканцы канферэнцыі перад яе ўдзельнікамі выступіў хор Verum Cantus з невялічкай канцэртнай праграмай. Пасля быў час, каб падзяліцца сваімі ўражаннямі і перажываннямі з іншымі.
Запланавана правядзенне штогадовай канферэнцыі, прысвечанай святарам, законным сёстрам і свецкім асобам, аб’яўленым Касцёлам святымі ці благаслаўлёнымі, паходжаннем ці служэннем звязаным з беларускімі землямі, якія аддалі сваё жыццё за бліжніх.
