Прэзідэнт Аляксандр Лукашэнка даслаў святочнае віншаванне з нагоды свята Нараджэння Пана Старшыні Канферэнцыі Каталіцкіх Біскупаў у Беларусі арцыбіскупу Юзафу Станеўскаму, Мітрапаліту Мінска-Магілёўскаму.
Віншаванне было апублікавана 24 снежня на сайце Мінска-Магілёўскай архідыяцэзіі Сatholicminsk.by.
Ваша Эксцэленцыя!
Шчыра віншую Вас са святам Раства Хрыстова і надыходзячым новым, 2025 годам.
Веліч і ўзнёсласць гэтых дзён умацоўваюць веру і надзею, напаўняюць кожнага з нас самымі светлымі думкамі, дораць цяпло і любоў да сваёй сям’і і роднай зямлі, пацвярджаюць бясспрэчную перавагу ў нашым жыцці дабрачыннасці і міласэрнасці.
Няхай асаблівая атмасфера гэтых свят стане для Вас крыніцай духоўнай сілы і новых поспехаў у справе служэння беларускаму народу і Каталіцкаму Касцёлу.
Прыміце пажаданні моцнага здароўя, невычэрпнай энергіі і ўсяго самага найлепшага.
Прэзідэнт Рэспублікі Беларусь
Аляксандр Лукашэнка
