Супольнасць айцоў піяраў у Беларусі са смуткам паведамляе, што раніцай 6 кастрычніка на 56-м годзе зямнога жыцця, 35-м годзе манаскага жыцця і 28-м годзе святарства адышоў у вечнасць айцец Гжэгаж Ксёнжэк SP, які доўгі час нёс служэнне ў нашай краіне.
Пасля пасвячэння прэзбітэрату, якое ён прыняў 22 мая 1997 года, айцец Гжэгаж Ксёнжэк нёс служэнне ў піярскіх супольнасцях у Лідзе (Гродзенская дыяцэзія), Еленяй Гуры (Польшча) і Чавусах на Магілёўшчыне (Мінска-Магілёўская архідыяцэзія), дзе правёў 12 гадоў. У апошні час святар нёс служэнне пробашча на радзіме ў Польшчы, у парафіі ў Лапшах Ніжніх.
З 4 верасня да смерці знаходзіўся ў стане медыкаментознай комы ва ўніверсітэцкім шпіталі ў Кракаве шпіталі, куды трапіў з запаленнем лёгкіх у запушчанай форме. Нягледзячы на намаганні медыкаў, з-за вельмі слабога імунітэту ўратаваць яго жыццё не ўдалося.
Інфармацыя пра пахаванне будзе пададзена пазней.
Вечны адпачынак дай яму, Пане…
