Курыя Гродзенскай дыяцэзіі са смуткам паведамляе, што 25 верасня пасля цяжкой хваробы ў шпіталі на 66-м годзе жыцця адышоў у вечнасць ксёндз Рышард Пётр Пэрчак, пробашч парафіі святога Міхала Арханёла ў Белагрудзе (Лідскі дэканат).
Развітанне са спачылым святаром пройдзе ў касцёле святых апосталаў Пятра і Паўла ў Дзітве і ў касцёле святога Міхала Арханёла ў Белагрудзе (Лідскі дэканат), дзе ксёндз Рышард Пэрчак шмат гадоў нёс душпастырскае служэнне.
ПРАГРАМА РАЗВІТАННЯ І ПАХАВАННЯ
- 26 верасня, чацвер
Развітанне ў касцёле святых апосталаў Пятра і Паўла ў Дзітве:- 16.00 – Ружанец;
- 18.00 – святая Імша;
- Пасля Імшы цела спачылага святара будзе перавезена ў касцёл святога Міхала Арханёла ў Белагрудзе.
Развітанне ў касцёле святога Міхала Арханёла ў Белагрудзе:
- 19.30 – Нешпары за памерлых, начное чуванне і развітанне;
- 27 верасня, пятніца
- 12.00 – пахавальная святая Імша;
- Пасля Імшы – пахаванне цела спачылага святара на прыкасцёльным цвінтары ў Белагрудзе.
Вечны адпачынак дай яму, Пане…
