26 студзеня ў Хрысціянскім сацыяльным цэнтры Місіі Добрага Самараніна ў Мінску падапечныя Гомельскага дома-інтэрната для дзяцей-інвалідаў з асаблівасцямі псіхафізічнага развіцця прадставілі спектакль «Шчаўкунок».
Як паведамляе сайт Місіі Samaranin.by, дзеці прыехалі ў Мінск разам з дырэктарам дома-інтэрната Галінай Далгаполавай і сваімі выхавацелямі. Таксама на спектаклі прысутнічаў дырэктар Дабрачыннай каталіцкай місіі «Сaritas–Міласэрнасць» у Гомелі айцец Леанард Адушкевіч OSPPE.
Выступалі не толькі выхаванцы дома-інтэрната, але і выхавацелі.
Пасля выдатнай пастаноўкі для ўсіх гасцей і акцёраў быў падрыхтаваны пачастунак.
