![](/3/images/news/2023/10/2023-10-24-kaplica_dworycza_1.jpg)
21 кастрычніка на могілках у Дворышчы адбылося ўрачыстае пасвячэнне капліцы Маці Божай Ружанцовай, якая належыць парафіі Адведзінаў Найсвяцейшай Панны Марыі ў Тракелях (Гродзенская дыяцэзія, Радунскі дэканат).
Як паведамляе Прэс-служба Гродзенскай дыяцэзіі, на цырымоніі сабраліся парафіяне, шматлікія госці, у тым ліку духавенства некалькіх дэканатаў дыяцэзіі, дабрадзеі і ахвярадаўцы, якія падтрымалі будаўніцтва капліцы.
Біскупа Гродзенскага Аляксандра Кашкевіча прывіталі пробашч тракельскай парафіі ксёндз канонік Юрый Бяганскі і мясцовыя вернікі.
Напачатку іерарх благаславіў новы крыж, устаноўлены на тэрыторыі могілак.
![](/3/images/news/2023/10/2023-10-24-kaplica_dworycza_5.jpg)
Напачатку мерапрыемства душпастыр парафіі распавёў прысутным, што тытул Маці Божай Ружанцовай не выпадковы для капліцы, бо яго раней мелі каталіцкія святыні, якія былі ў гэтых мясцінах.
Ёсць гістарычныя звесткі, што першая капліца ў гонар Маці Божай Ружанцовай была пабудавана ў вёсцы Дворышча рэктарам Віленскай акадэміі Гарцыя Алабіяна ў 1591 годзе.
У 1770 годзе, пасля таго, як старая капліца была зруйнавана, езуіты пабудавалі новую, а ў 1860 годзе арандатар і будучы ўладальнік Дворышча Аляксандр Вольскі пабудаваў на тым жа месцы васьмівугольную капліцу. Яна была пасвячана ў гонар Найсвяцейшай Панны Марыі Ружанцовай. У святыні захоўваўся абраз Маці Божай у срэбных шатах старажытнай работы.
![](/3/images/news/2023/10/2023-10-24-kaplica_dworycza_6.jpg)
Месцам новай капліцы, пабудаванай у 1990-я гады мясцовым калгасам, сталі вясковыя могілкі Дворышча. Аднак узведзены былі толькі сцены, унутраныя работы не вяліся. У такім стане капліца заставалася да 2019 года, калі была перададзена Лідскім райвыканкамам парафіі ў Тракелях.
Рамонт і мадэрнізацыя капліцы сталі магчымымі дзякуючы старанням пробашча парафіі ксяндза Юрыя Бяганскага, a таксама многіх людзей добрай волі і парафіянаў, якія дапамагалі ў гэтай справе малітвай, працай і ахвяраваннямі.
Потым адбылася святая Імша, якую біскуп Гродзенскі цэлебраваў у інтэнцыі ўсіх, хто ўтварае парафіяльную супольнасць у Тракелях, найперш жыхароў Дворышча, якія на працягу многіх гадоў чакалі адкрыцця капліцы. Таксама маліліся ў інтэнцыі тых, хто прынёс у дар матэрыяльныя сродкі дзеля таго, каб капліца змагла адчыніць свае дзверы вернікам і стаць месцам, дзе будзе гучаць Евангелле і будуць здзяйсняцца святыя абрады.
![](/3/images/news/2023/10/2023-10-24-kaplica_dworycza_12.jpg)
У гаміліі пробашч гродзенскай катэдральнай парафіі святога Францішка Ксавэрыя ксёндз канонік Ян Кучынскі, які з 1998 да 2000 года быў душпастырам тракельскай парафіі, казаў пра важнасць малітвы Ружанца — вялікай сілы ў барацьбе са злом.
Святар заклікаў прысутных палюбіць гэтую малітву, аб якой прасіла сама Панна Марыя, калі аб’яўлялася ў розных частках свету.
Ксёндз Ян, які таксама з’яўляецца біскупскім вікарыем па справах агульнага душпастырства Гродзенскага рэгіёна, падзяліўся ўспамінамі аб родным доме і перажываннямі, звязанымі з ружанцовай малітвай. Ён адзначыў, што, каб адкрыць яе каштоўнасць, трэба спачатку ўзяць ружанец у рукі, а затым пачаць маліцца з верай.
![](/3/images/news/2023/10/2023-10-24-kaplica_dworycza_23.jpg)
На заканчэнне Эўхарыстыі біскуп Аляксандр Кашкевіч выказаў удзячнасць усім, хто прычыніўся да адкрыцця капліцы, найперш ксяндзу Юрыю Бяганскаму, які, прыбыўшы ў тракельскую парафію, адразу ўзяўся за гэтую справу, якая шмат гадоў чакала завяршэння.
Пастыр Касцёла на Гродзеншчыне пажадаў мясцовым вернікам, каб новая капліца, прыгожая і ўтульная, сапраўды стала для іх месцам сустрэчы з Богам, дзе яны змогуць адкрыць свае сэрцы на багацце Яго дароў.
![](/3/images/previews/news/2023/10/s-2023-10-24-kaplica_dworycza_6.jpg)
![](/3/images/previews/news/2023/10/s-2023-10-24-kaplica_dworycza_4.jpg)
![](/3/images/previews/news/2023/10/s-2023-10-24-kaplica_dworycza_3.jpg)
![](/3/images/previews/news/2023/10/s-2023-10-24-kaplica_dworycza_5.jpg)
![](/3/images/previews/news/2023/10/s-2023-10-24-kaplica_dworycza_2.jpg)
![](/3/images/previews/news/2023/10/s-2023-10-24-kaplica_dworycza_7.jpg)
![](/3/images/previews/news/2023/10/s-2023-10-24-kaplica_dworycza_12.jpg)
![](/3/images/previews/news/2023/10/s-2023-10-24-kaplica_dworycza_17.jpg)
![](/3/images/previews/news/2023/10/s-2023-10-24-kaplica_dworycza_13.jpg)
![](/3/images/previews/news/2023/10/s-2023-10-24-kaplica_dworycza_10.jpg)
![](/3/images/previews/news/2023/10/s-2023-10-24-kaplica_dworycza_14.jpg)
![](/3/images/previews/news/2023/10/s-2023-10-24-kaplica_dworycza_21.jpg)
![](/3/images/previews/news/2023/10/s-2023-10-24-kaplica_dworycza_18.jpg)
![](/3/images/previews/news/2023/10/s-2023-10-24-kaplica_dworycza_23.jpg)
![](/3/images/previews/news/2023/10/s-2023-10-24-kaplica_dworycza_22.jpg)
![](/3/images/news/2023/10/2023-10-24-kaplica_dworycza_6.jpg)
![](/3/images/news/2023/10/2023-10-24-kaplica_dworycza_4.jpg)
![](/3/images/news/2023/10/2023-10-24-kaplica_dworycza_3.jpg)
![](/3/images/news/2023/10/2023-10-24-kaplica_dworycza_5.jpg)
![](/3/images/news/2023/10/2023-10-24-kaplica_dworycza_2.jpg)
![](/3/images/news/2023/10/2023-10-24-kaplica_dworycza_7.jpg)
![](/3/images/news/2023/10/2023-10-24-kaplica_dworycza_12.jpg)
![](/3/images/news/2023/10/2023-10-24-kaplica_dworycza_17.jpg)
![](/3/images/news/2023/10/2023-10-24-kaplica_dworycza_13.jpg)
![](/3/images/news/2023/10/2023-10-24-kaplica_dworycza_10.jpg)
![](/3/images/news/2023/10/2023-10-24-kaplica_dworycza_14.jpg)
![](/3/images/news/2023/10/2023-10-24-kaplica_dworycza_21.jpg)
![](/3/images/news/2023/10/2023-10-24-kaplica_dworycza_18.jpg)
![](/3/images/news/2023/10/2023-10-24-kaplica_dworycza_23.jpg)
![](/3/images/news/2023/10/2023-10-24-kaplica_dworycza_22.jpg)
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)