![](/3/images/news/2023/07/2023-07-23-Svientak20230721-002.jpg)
21 ліпеня вернікі Касцёла ў Беларусі ўспаміналі кардынала Казіміра Свёнтка ў дванаццатую гадавіну з часу яго смерці.
З гэтай нагоды ў архікатэдральным касцёле Найсвяцейшага Імя Марыі цэлебравалася святая Імша за спачылага першага Мітрапаліта Мінска-Магілёўскай архідыяцэзіі, якую ўзначаліў дзеючы Мітрапаліт Мінска-Магілёўскі арцыбіскуп Юзаф Станеўскі, а гамілію прамовіў арцыбіскуп эмэрыт Тадэвуш Кандрусевіч. У цэлебрацыі таксама ўзялі ўдзел ксёндз Андрэй Бурак, вікарый архікатэдральнай парафіі, і ксёндз Павел Эйсмант, асабісты сакратар арцыбіскупа Тадэвуша Кандрусевіча.
У прамоўленай гаміліі арцыбіскуп Кандрусевіч засяродзіў увагу прысутных на тым, што спачылы кардынал Свёнтэк у сваім жыцці ўвесь час праходзіў праз няпростыя выпрабаванні.
«Арыштаваны і пасаджаны ў турму, малады святар толькі Божым цудам застаўся ў жывых, аднак вытрымаў турэмныя ўмовы, захоўваючы веру ў сэрцы. Бог выбраў яго, каб у часы савецкага пераследу ён стаўся для пінскіх вернікаў тым адзіным чалавекам, які прыносіць Бога ў сэрцы. І нават у пажылым узросце ён быў моцна запатрабаваны Касцёлам як той, хто пакажа кірунак далейшага яго развіцця.
![](/3/images/news/2023/07/16143/2023-07-24-Svientak20230721-103.jpg)
У 1991 годзе Папа святы Ян Павел ІІ прызначыў 77-гадовага Казіміра Свёнтка арцыбіскупам Мітрапалітам Мінска-Магілёўскім, а потым, у 1994 годзе, надаў яму пачэсны тытул кардынала. Ускладзеныя Касцёлам заданні першы Мінска-Магілёўскі арцыбіскуп з годнасцю выканаў, за што мы, нашчадкі, яму вельмі ўдзячныя», — адзначыў арцыбіскуп Кандрусевіч
«Кардынал Свёнтэк увайшоў у сучасную гісторыю Касцёла ў Беларусі як першы і адзіны кардынал, а яшчэ больш — як нязломны сведка веры, выразам чаго сталася ўганараванне яго ў 2004 годзе спецыяльнай узнагародай Fidei testis — „Сведка веры“», — сказаў на заканчэнне арцыбіскуп Тадэвуш Кандрусевіч.
![](/3/images/previews/news/2023/07/16143/s-2023-07-23-Svientak20230721-001-cb.jpg)
![](/3/images/previews/news/2023/07/16143/s-2023-07-23-Svientak20230721-002-cb.jpg)
![](/3/images/previews/news/2023/07/16143/s-2023-07-23-Svientak20230721-004-cb.jpg)
![](/3/images/previews/news/2023/07/16143/s-2023-07-23-Svientak20230721-005-cb.jpg)
![](/3/images/previews/news/2023/07/16143/s-2023-07-23-Svientak20230721-003-cb.jpg)
![](/3/images/previews/news/2023/07/16143/s-2023-07-23-Svientak20230721-006-cb.jpg)
![](/3/images/news/2023/07/16143/2023-07-23-Svientak20230721-001.jpg)
![](/3/images/news/2023/07/16143/2023-07-23-Svientak20230721-002.jpg)
![](/3/images/news/2023/07/16143/2023-07-23-Svientak20230721-004.jpg)
![](/3/images/news/2023/07/16143/2023-07-23-Svientak20230721-005.jpg)
![](/3/images/news/2023/07/16143/2023-07-23-Svientak20230721-003.jpg)
![](/3/images/news/2023/07/16143/2023-07-23-Svientak20230721-006.jpg)
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)