![](/3/images/news/2022/11/15265/2022-11-28-ofmcap-007.jpg)
28 лістапада Мітрапаліт Мінска-Магілёўскі арцыбіскуп Юзаф Станеўскі наведаў супольнасць братоў капуцынаў у парафіі святога Францішка Асізскага ў Мінску, у раёне Новай Баравой.
Браты капуцыны з’явіліся ў беларускай сталіцы ў 1995 годзе. Тут яны паступова наладзілі манаскае жыццё сваёй супольнасці паводле харызмы святога Францішка, а таксама душпастырскае служэнне. У 2014 годзе, пасля атрымання неабходных дазволаў, распачалося будаўніцтва касцёла і кляштара пры ім у будучым мікрараёне Новая Баравая.
Хоць будаўнічыя працы яшчэ не завершаны, аднак комплекс паспяхова функцыянуе і ўжо паспеў стаць значным асяродкам духоўнага жыцця.
Падчас свайго візіту арцыбіскуп Станеўскі пазнаёміўся з дзейнасцю братоў, жыццём парафіі святога Францішка, душпастырскае служэнне ў якой нясуць браты капуцыны, агледзеў актуальны стан будовы. Комплекс, які ўзводзіцца ў Новай Баравой, уключае ў сябе касцёл, званіцу, уваходную браму, капліцу, бібліятэку, шэраг душпастырскіх памяшканняў і кляштар братоў капуцынаў.
![](/3/images/news/2022/11/15265/2022-11-28-ofmcap-006.jpg)
Арцыбіскуп адзначыў, што будаўніцтва святыні — гэта важная і патрэбая справа для Касцёла, але сапраўднай хрысціянскай святыняй з’яўляюцца перадусім людзі — Хрыстовы камяні. Іерарх дадаў, што святыня павінна быць цэнтрам духоўнага і культурнага жыцця вернікаў.
Галоўным момантам сустрэчы арцыбіскупам Станеўскага з капуцынамі стала цэлебрацыя святой Імшы, якую ўзначаліў іерарх.
Удзельнікі Эўхарыстыі асаблівым чынам маліліся за братоў Беларускай Кустодыі Ордэна Меншых Братоў Капуцынаў, якія адзначаюць імяніны ў свята святога апостала Андрэя.
Арцыбіскуп маліўся аб новых пакліканнях для ордэна, а таксама заахвоціў братоў быць вернымі святому Францішку і наследаваць шляхі святога апостала Андрэя.
![](/3/images/previews/news/2022/11/15265/s-2022-11-28-ofmcap-002-cb.jpg)
![](/3/images/previews/news/2022/11/15265/s-2022-11-28-ofmcap-001-cb.jpg)
![](/3/images/previews/news/2022/11/15265/s-2022-11-28-ofmcap-003-cb.jpg)
![](/3/images/previews/news/2022/11/15265/s-2022-11-28-ofmcap-004-cb.jpg)
![](/3/images/previews/news/2022/11/15265/s-2022-11-28-ofmcap-005-cb.jpg)
![](/3/images/previews/news/2022/11/15265/s-2022-11-28-ofmcap-006-cb.jpg)
![](/3/images/previews/news/2022/11/15265/s-2022-11-28-ofmcap-007-cb.jpg)
![](/3/images/previews/news/2022/11/15265/s-2022-11-28-ofmcap-008-cb.jpg)
![](/3/images/previews/news/2022/11/15265/s-2022-11-28-ofmcap-009-cb.jpg)
![](/3/images/news/2022/11/15265/2022-11-28-ofmcap-002.jpg)
![](/3/images/news/2022/11/15265/2022-11-28-ofmcap-001.jpg)
![](/3/images/news/2022/11/15265/2022-11-28-ofmcap-003.jpg)
![](/3/images/news/2022/11/15265/2022-11-28-ofmcap-004.jpg)
![](/3/images/news/2022/11/15265/2022-11-28-ofmcap-005.jpg)
![](/3/images/news/2022/11/15265/2022-11-28-ofmcap-006.jpg)
![](/3/images/news/2022/11/15265/2022-11-28-ofmcap-007.jpg)
![](/3/images/news/2022/11/15265/2022-11-28-ofmcap-008.jpg)
![](/3/images/news/2022/11/15265/2022-11-28-ofmcap-009.jpg)
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)