У пятніцу 17 чэрвеня Мітрапаліт Мінска-Магілёўскі арцыбіскуп Юзаф Станеўскі ў гадавіну свайго прэзбітэрскага пасвячэння наведаў Нацыянальны санктуарый у Будславе.
У прыватным парадку іерарх цэлебраваў святую Імшу перад цудадзейным абразом Маці Божай Будслаўскай, дзякуючы за 27 гадоў свайго святарскага жыцця і просячы заступніцтва Багародзіцы на далейшым шляху пастырскага служэння.
У Будславе арцыпастыр таксама пазнаёміўся з ходам рэстаўрацыйных прац у касцёле пасля мінулагодняга пажару і абмеркаваў з пробашчам мясцовай парафіі ксяндзом Дзмітрыем Дубовікам дэталі сёлетняга фэсту ў гонар Маці Божай Будслаўскай, які будзе адзначацца 1 і 2 ліпеня.
