У сувязі з паляпшэннем эпідэміялагічнай сітуацыі ў Беларусі, пачынаючы з Пальмовай нядзелі, біскуп Віцебскі Алег Буткевіч адмяняе дзеянне дыспенсы ад абавязку ўдзелу ў святой Імшы ў нядзелю і прадпісаныя ўрачыстасці.
Як нагадвае сайт Catholicnews.by, такая дыспенса для вернікаў Віцебскай дыяцэзіі дзейнічала з 17 кастрычніка 2020 года.
Такім чынам, усе вернікі Віцебскай дыяцэзіі абавязаны асабіста, а не анлайн, браць удзел у святой Імшы ў нядзелі і прадпісаныя ўрачыстасці.
Да канчатковага заканчэння пандэміі застаюцца ў сіле іншыя абмежаванні і рэкамендацыі, выдадзеныя кампетэнтнай уладай, якія датычацца захавання санітарных нормаў пры правядзенні набажэнстваў.
Біскуп Віцебскі на тэрыторыі Віцебскай дыцэзіі дазволіў наліваць асвячаную ваду ў посуд пры ўваходзе ў касцёл і іншых месцах, дзе яна налівалася для ўжывання вернікамі.
