«У час 194-х Алімпійскіх гульняў, у 752 годзе ад заснавання Рыма, на 44-м годзе панавання імператара Аўгуста, дзве тысячы гадоў таму ў Бэтлееме Юдэйскім, непрыкметным ізраэльскім мястэчку, занятым у той час рымлянамі, у Дзевы Марыі, жонкі Юзафа, з дома і рода Давіда, нарадзіўся Езус»
(З Абвяшчэння Нараджэння Пана).
Каляды — гэта час адраджэння і надзеі. Час адраджэння веры ў моц Хрыста і моц чалавека. Гэта час перамогі любові над злом.
Рэдакцыя парталу Сatholic.by жадае ўсім, хто сваімі малітвамі і ахвяраваннямі патрымлівае нашую дзейнасць, нанава адрадзіць у сваім жыцці моц надзеі, веры і любові.
Няхай чароўная моц свята Божага Нараджэння прынясе у Ваш дом, сям’ю і сэрца Божы супакой, дабро і радасць. Жадаем, каб кожны момант гэтага святочнага часу ўпрыгожваў святасцю Божага Дзіцяці вашыя думкі, словы і ўчынкі, а Новы год прынёс вам здароўе, росквіт і шчасце!
Божага благаслаўлення і апекі Маці Божай Марыі!
Ксёндз доктар Аляксандр Улас і рэдакцыя парталу Сatholic.by
