30 жніўня ў кляштары ў Замартэ (Польшча), дзе знаходзіцца дом навіцыяту Варшаўскай правінцыі кармэлітаў босых, з рук прыёра супольнасці айца Збігнева Колькі OCD прыняў манаскі габіт брат Аляксандр Швэц, які паходзіць з Беларусі.
Змена адзення са свецкага на манаскае на распачацце перыяду навіцыяту — часу асабліва інтэнсіўнай духоўнай падрыхтоўкі і фармацыі перад прынясеннем першых манаскіх шлюбаў — з’яўляецца таксама сімвалам унутранай перамены і гатоўнасці цалкам прысвяціць сябе Богу і паглыбіць адзінства з манаскай сям’ёй.
Сабраты з Рэгіянальнага вікарыяту Ордэна Кармэлітаў Босых у Беларусі просяць падтрымаць брата Аляксандра малітвай, каб ён вытрываў на абраным шляху служэння Богу і Касцёлу ў сям’і Кармэля.
