Курыя Мінска-Магілёўскай архідыяцэзіі са смуткам паведамляе, што 13 чэрвеня на 78-м годзе жыцця адышоў у вечнасць Юрый Гарулёў, заснавальнік і шматгадовы дырэктар каталіцкага фестывалю хрысціянскіх фільмаў і тэлепраграм Magnificat.
Юрый Гарулёў — вядомы аператар, рэжысёр і сцэнарыст. Аўтар дакументальнай кінатрылогіі, прысвечанай кардыналу Казіміру Свёнтку: «Mater Misericordiae» (1997), «Вяртанне» (1999), «Канікулы кардынала» (2004).
Лаурэат прэміі «За духоўнае адраджэнне», лаўрэат шматлікіх нацыянальных і міжнародных кінапрэмій.
- Пахавальная святая Імша за спачылага Юрыя Гарулёва адбудзецца 16 чэрвеня ў 10.30 у мінскім катэдральным касцёле Найсвяцейшага Імя Марыі (пл. Свабоды, 9).
- Развітанне са спачылым пройдзе ў 13.00 у мінскім крэматорыі.
Вечны адпачынак дай яму, Пане…
