З 19 па 21 сакавіка у Хрысціянскім сацыяльным цэнтры дыбрачыннай Місіі добрага самараніна ў Мінску біскуп Віцебскі Алег Буткевіч правёў рэкалекцыі для супрацоўнікаў, падапечных і ўсіх ахвотных.
Гэта былі дні, напоўненыя малітвай і разважаннем, на працягу якіх вернікі з дапамогаю пастыра духоўна рыхтаваліся да Велікодных святаў.
Як паведамляецца на сайце Місіі Samaranin.by, падчас рэкалекцый адбыліся адмысловыя малітоўныя сустрэчы для супрацоўнікаў Хрысціянскага сацыяльнага цэнтра. Выхаваўцы, педагогі, адміністрацыя і іншы персанал разважалі над сэнсам свайго служэння.
