18–19 студзеня ў Курыі Пінскай дыяцэзіі адбылося спецыяльнае пасяджэнне Святарскай рады і Рады дэканаў з удзелам біскупа Казіміра Велікасельца.
Узначаліў сустрэчу біскуп Пінскі Антоні Дзям’янка. Прысутныя іерархі разам са святарамі абмеркавалі бягучыя справы і планы падрыхтоўкі мясцовага Касцёла да 100-годдзя дыяцэзіі.
У сувязі з распачаццем біскупам Казімірам далейшага служэння ў Мінска-Магілёўскай архідыяцэзіі, прысутныя падзякавалі яму за шматгадовае ахвярнае служэнне як святара, Генеральнага вікарыя і дапаможнага біскупа Пінскай дыяцэзіі.
Адначасова яны пажадалі яму як новапрызначанаму Апостальскаму адміністратару Мінска-Магілёўскай архідыяцэзіі плённай працы на Божай ніве і апекі Божага Провіду ў далейшым служэнні.
19 студзеня біскуп Казімір узначаліў цэлебрацыю святой Імшы ў пінскай катэдральнай базыліцы, дзе памаліўся разам з вернікамі і святарамі, дзякуючы Міласэрнаму Богу за ўсе атрыманыя ласкі і просячы Яго благаслаўлення на будучыню Касцёла на Палессі і ва ўсёй Беларусі.
