Ужо каля чатырох гадоў, пачынаючы з 1 лістапада 2016 года, у Беларусі (шкада, што толькі ў інтэрнэце) вяшчае каталіцкае «Радыё Марыя», якое сёння ахоплівае каля 90 краін свету.
Мэта тых, хто працуе на гэтым радыё, — распаўсюджваць заахвочванне Маці Божай, якое калісьці прагучала з Яе вуснаў у Кане Галілейскай: «Тое, што Ён скажа вам, зрабіце» (Ян 2, 5).
7 мая ў Беларусі адзначаецца Дзень работнікаў радыё, тэлебачання і сувязі, паколькі менавіта гэты дзень лічыцца днём нараджэння спосабу перадачы інфармацыі з дапамогаю радыёхваляў.
Дырэктар парталу Catholic.by ксёндз Аляксандр Улас ад імя супрацоўнікаў сардэчна віншуе ўсю вялікую сям’ю «Радыё Марыя», а асабліва яе беларускую частку на чале з яе дырэктарам ксяндзом Аляксандрам Фаміных, жадае апекі Маці Божай і шчодрага плёну на ніве Пана.
