Фота Віктара Ведзеня
5 лютага ў Мінску пад кіраўніцтвам Мітрапаліта Мінска-Магілёўскага арцыбіскупа Тадэвуша Кандрусевіча прайшло першае пасяджэнне арганізацыйнага камітэту па правядзенні ўрачыстасці Маці Божай Будслаўскай 2020 года.
Аргкамітэт разгледзеў праект праграмы ўрачыстасці і яе тэму.
Фэст у Будславе, унесены ЮНЕСКА ў рэпрэзентацыйны спіс нематэрыяльнай спадчыны чалавецтва, пройдзе сёлета 3–4 ліпеня.
Паколькі урачыстасць Маці Божай Будслаўскай у Нацыянальным санктуарыі мае агульнабеларускі характар і асаблівае значэнне для ўсяго мясцовага Касцёла ў нашай краіне, тэма і праграма сёлетняга фэсту ў Будславе будуць разгледжаны і зацверджаны на пасяджэнні Канферэнцыі Каталіцкіх Біскупаў у Беларусі, якое пройдзе ў Мінску 27 лютага.
