![](/3/images/news/2020/01/2020-01-28-edhfk.jpg)
На свята Ахвяравання Пана, якое адзначаецца ў Касцёле 2 лютага, Канферэнцыя Каталіцкіх Біскупаў у Беларусі рыхтуе Пастырскі ліст, прысвечаны кансэкраванаму жыццю.
Святы Ян Павел II, стагоддзе з дня нараджэння якога асаблівым чынам адзначаецца ў гэтым Пастырскім годзе ў Касцёле на Беларусі, у свята Ахвяравання Пана ўсталяваў Дзень кансэкраванага жыцця.
Такім чынам гэтае свята з’яўляецца адпаведнаю нагодаю для таго, каб паразважаць над місіяй кансэкраваных асоб у Касцёле і маліцца аб пакліканнях да жыцця паводле евангельскіх парад.
Нагадаем, што агульнабеларускі Дзень кансэкраванага жыцця пройдзе сёлета ў Гродне.
Тэкст Пастырскага ліста ў адпаведны час будзе апублікаваны на партале Catholic.by.