Калядны фестываль рэлігійнай песні пад такою назваю прайшоў 3 студзеня ў мёрскім Доме культуры (Віцебская дыяцэзія).
Як паведаміў партал Catholicnews.by, у фестывалі, дэвізам якога сталі словы «Спяваем усім сэрцам», узялі ўдзел дзеці і моладзь з васьмі парафій Віцебскай дыяцэзіі, парафіі святога Францішка Асізскага з Мінска і маленькая прадстаўніца мясцовай пратэстанцкай супольнасці.
Узровень вакальнага мастацтва выканаўцаў ацэньвала кампетэнтнае журы, у склад якога ўваходзілі кс. Аляксандр Дулінец, Іна Сапун і Яўгенія Шук. У выніку дыпломы фестывалю атрымалі ўсе ўдзельнікі, таму што сапраўды спявалі «ўсім сэрцам».
— Ах, як было прыгожа! — не хаваў свайго ўражання Віцебскі біскуп Алег Буткевіч. Іерарх падкрэсліў, што, незалежна ад занятага месца, усе «былі супер».
Пастыр Касцёла на Віцебшчыне падзякаваў спонсарам і ўсім тым, хто прычыніўся да правядзення фестывалю, асабліва дыяцэзіяльнаму Caritas, пробашчу мёрскай парафіі кс. Андрэю Куліку, а таксама ўсім тым асобам, якія рыхтавалі моладзь да ўдзелу.
Напрыканцы музычнай сустрэчы ўсе яе ўдзельнікі падняліся на сцэну і разам выканалі калядную песню.
Больш фота з фестывалю «Зорка Бэтлеему» ТУТ>>>
