Парафіяльны конкурс на лепшы Адвэнтавы каляндар завяршыўся ў Мінску

Каляндар сям’і Чуйко, які перамог у конкурсе. Фота: sdb.by

1 снежня, у Першую нядзелю Адвэнту, у парафіі святога Яна Хрысціцеля ў Мінску падвялі вынікі конкурсу на лепшы Адвэнтавы каляндар.

Як паведаміў сайт sdb.by, у парафіяльным конкурсе ўзялі ўдзел трынаццаць сем’яў. Лепшыя працы вызначаліся з дапамогаю галасавання, якое праходзіла ў два туры: у касцёле і анлайн.

Фота: sdb.by

У першым туры галасавання, якое адбылося ва ўрачыстасць Хрыста Валадара Сусвету, былі вызначаны лідары:

• I месца  — сям’я Чуйко (36 галасоў);
• II месца — сям’я Мартыненкаў (30 галасоў);
• III месца — сям’я Мікулевічаў (27 галасоў).

Інтэрнэт-галасаванне пацвердзіла пераможцу. Ім стала сям’я Чуйко, набраўшы 20% галасоў.

Узнагароджанне пераможцаў і ўсіх удзельнікаў конкурсу адбылося 1 снежня, у першую нядзелю Адвэнту, напрыканцы святой Імшы.

Фота: sdb.by

Календары-пераможцы будуць выкарыстоўвацца ў катэхетычных залах парафіі і ў араторыі ў якасці дапамогі, каб добра перажыць Адвэнт, выконваючы падрыхтаваныя ў іх заданні і пастановы на кожны дзень.