Пошук


26.11.2019 13:03   Catholic.by
Фота Віталія Палінеўскага

У першы дзень каляндарнай зімы сёлета распачнецца Адвэнт. Усяго некалькі дзён застаюцца да пачатку гэтага перыяду радаснага чакання Збаўцы.

Традыцыйна перад пачаткам Адвэнту ладзяцца «Андрэйкі» — вясёлыя забавы, што зазвычай супадаюць па часе са святам святога Апостала Андрэя.

Фота: shutterstock

Адвэнт — гэта не пасіўнае чаканне, а час духоўнай падрыхтоўкі, калі вернікі, рыхтуючыся да сустрэчы дарагога Госця — Хрыста, наводзяць парадак у жыцці і ў сваіх сэрцах, каб годна прыняць у іх Нованароджанага Збаўцу свету.

Хоць святы Божага Нараджэння паўтараюцца штогод, аднак кожнае з іх набліжае нас да другога Прыйсця Хрыста і да сустрэчы з Ім у вечнасці. Таму варта памятаць, што час ідзе і нельга яго змарнаваць.

Перыяд Адвэнту — вельмі кароткі: сёлета ён складае 24 дні — крыху больш за тры тыдні.

Каб нейкім чынам выкарыстаць кожны дзень на падрыхтоўку да сустрэчы Збаўцы, мы рыхтуем адмысловыя адвэнтавыя календары. Пра тое, як можна змайстраваць такі каляндар у сваёй сям’і, у хатніх умовах, распавёў супрацоўнік парталу Catholic.by Ілья Лапато.

А вось у мінскай парафіі святога Яна Хрысціцеля ў мікрараёне Серабранка, якой духоўна апякуюцца салезіяне, з 1 па 30 лістапада нават праводзіцца конкурс адвэнтавых календароў.

У конкурсе ўзялі ўдзел трынаццаць сем’яў, і цяпер адбываецца інтэрнэт-галасаванне, якое і вызначыць пераможцу.

Дарэчы, прагаласаваць за каляндар, які найбольш да спадобы, можаце і вы ТУТ>>>, а ўзнагароджанне пераможцы адбудзецца ў касцёле святога Яна Хрысціцеля ў Мінску ў Першую нядзелю Адвэнту 1 снежня пасля Імшы на 10.00.

Фота: sdb.by

Прапануем звярнуць увагу на творчасць нашых братоў і сясцёр: тое, што яны зрабілі, выглядае цікава і нетрывіяльна.

Можа, іх календары натхняць і вас на тое, каб зрабіць свой уласны адвэнтавы каляндар.

Хоць ён і не будзе прадстаўлены на конкурсе, аднак дакладна дапаможа вам і вашай сям’і лепш падрыхтавацца да святаў Божага Нараджэння і годна сустрэць Збаўцу.

Пра іншыя традыцыі, звязаныя ў Касцёле з Адвэнтам, можна даведацца ТУТ>>>

Фота: sdb.by

Абноўлена 29.11.2019 12:33
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа