Пошук


02.12.2019 15:25   Фота: з архіву парафіі / Catholic.by

1 снежня вернікі парафіі Маці Божай Будслаўскай у Мінску далучыліся да ініцыятывы штодзённай малітвы за святароў на працягу Адвэнту, у чым ім дапамагае адмысловы Адвэнтавы каляндар.

Адвэнтавы каляндар, створаны ў парафіі Маці Божай Будслаўскай, што на Каменнай Горцы ў Мінску, набыў сэнс не толькі вылічэння дзён да Калядаў. З яго дапамогаю кожны дзень на працягу перыяду радаснага чакання Збаўцы вернікі падтрымаюць сумесную заступніцкую малітву за святароў, якія служаць у розных парафіях па ўсім свеце.

Гэтая акцыя стала праводзіцца адносна нядаўна, у 2010 годзе, па ініцыятыве свецкіх вернікаў у Польшчы і знайшла водгук у іншых краінах.

У малітвах вернікі просяць благаслаўлення і дапамогі для святароў у іх штодзённым служэнні, а асабліва ў хвіліны духоўных выпрабаванняў.

«Хрыстус прыйшоў на зямлю, каб стаць нашым духоўным Правадыром. У Ягоным служэнні і няпростым зямным шляху Збаўцу дапамагалі людзі», — адзначае пробашч сталічнай парафіі Маці Божай Будслаўскай кс. канонік Францішак Рудзь.

«Для вернікаў духоўным настаўнікам з’яўляецца святар. Кожны з іх — гэта перадусім чалавек са сваімі духоўнымі турботамі і жыццёвымі праблемамі.

Святары таксама, як усе людзі, маюць патрэбу ў падтрымцы і малітве. Таму так важна ў Адвэнт — час духоўнага адраджэння, калі мы просім аб Божым благаслаўленні для нашых родных і блізкіх, — памаліцца аб апецы і для святароў», — дадаў ксёндз Францішак.

Абноўлена 02.12.2019 15:33
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.