Пошук


28.10.2019 12:52   Тэкст: Андрэй Юхнік / Фота: Павел Леановіч / Catholic.by

28 кастрычніка супольнасць Міждыяцэзіяльнай вышэйшай духоўнай семінарыі ў Гродне адзначыла свята святых апосталаў Сымона і Юды Тадэвуша.

Святу папярэднічала навэнна да св. Юды Тадэвуша — дзевяць дзён будучыя святары ўзгадвалі шлях апостала і прасілі аб малітве за іх перад Богам.

Святы Юда Тадэвуш з’яўляецца адным з апекуноў гродзенскай Alma Mater.

Таму семінарысты маліліся аб яго асаблівым заступніцтве перад Богам у інтэнцыі семінарыі і пакліканняў. Святую Імшу ў гэтай інтэнцыі цэлебраваў прэфект семінарыі кс. Ян Раманоўскі.

Падчас Эўхарыстыі супольнасць малілася і за таго, хто непасрэдна прычыніўся да адкрыцця семінарыі, — арцыбіскупа Тадэвуша Кандрусевіча, а таксама за таго, хто ўносіць свой уклад у дзейнасць семінарыі, — кс. Тадэвуша Крыштопіка, спаведніка семінарыстаў. Не быў забыты і памерлы кс. Тадэвуш Вышынскі, які амаль з самага пачатку існавання гэтай навучальнай установы прысвяціў сваё жыццё выхаванню семінарыстаў.

Абноўлена 28.10.2019 12:56
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця