14 верасня ў парафіі Узвышэння Святога Крыжа ў вёсцы Княжыцы Шклоўскага раёна (Магілёўскі рэгіён) адзначылі традыцыйны адпуст.
На свята сабраліся душпастыры з навакольных парафій разам са сваімі вернікамі. Святую Імшу ўзначаліў дэкан Магілёўскі ксёндз Віталій Маргуноў.
Хоць княжыцкая каплічка, якая знаходзіцца на парафіяльных могілках, не вельмі вялікая, сёлета яна змясціла на свяце 45 чалавек.
Нядаўна ў капліцы завяршыліся рамонтныя працы, і цяпер яна стала яшчэ больш утульнай.
Душпастыр каталіцкай супольнасці ў Княжыцах ксёндз Аляксандр Шупенька дзякуе ўсім, хто знайшоў час у гэтую суботу і падзяліў з мясовымі вернікамі радасць парафіяльнага свята.
